Roger Rabbit ye un personaxe ficticiu creáu pol escritor d'Estaos Xuníos Gary K. Wolf. Apaeció originalmente na novela Who Censored Roger Rabbit? (1981) y algamó una gran popularidá como protagonista de la película Who Framed Roger Rabbit (1988), dirixida por Robert Zemeckis.
Na película, Roger ye un coneyu antropomorfu de dibuxos animaos que trabaya como actor en Hollywood y ta casáu con Jessica Rabbit. El personaxe carauterízase pol so comportamientu hiperactivu, la so inxenuidá y una fuerte dependencia de la comedia física propia de los curtios clásicos d'animación.
La trama empieza cuando Roger ye acusáu del asesinatu de Marvin Acme. El detective Eddie Valiant, interpretáu por Bob Hoskins, acaba investigando'l casu y descubriendo una conspiración contra los habitantes animaos de Toontown.Who Framed Roger Rabbit, dir. Robert Zemeckis, Touchstone Pictures, 1988.
Na película, Roger tien la voz de Charles Fleischer. L'éxitu de Who Framed Roger Rabbit, que combinó interpretación real y animación tradicional, convirtió al personaxe nuna de les figures más reconocibles de l'animación cinematográfica de finales del sieglu XX.
Referencies
Enllaces esternos
Categoría:Personaxes de ficción