Narcissa Malfoy, nacida Narcissa Black, ye un personaxe ficticiu de la serie Harry Potter, creada por J. K. Rowling. Ye la muyer de Lucius Malfoy, madre de Draco Malfoy y hermana de Bellatrix Lestrange y Andromeda Tonks.
Procede de la familia Black, una de les families tradicionales de magos de sangre puro. Anque comparte bona parte de les idees elitistes del so entornu familiar, nun forma parte formalmente de los mortífagos y la so principal motivación a lo llargo de la serie ye la protección de la so familia.
En Harry Potter and the Half-Blood Prince busca a Severus Snape porque teme que la misión asignada por Lord Voldemort al so fíu Draco acabe cola muerte del adolescente. Snape acepta facer el Xuramentu Inquebrantable y comprométese a protexelu.J. K. Rowling, Harry Potter and the Half-Blood Prince, Bloomsbury, 2005.
N'Harry Potter and the Deathly Hallows desempeña un papel decisivu na derrota de Voldemort. Tres comprobar que Harry sigue vivu nel monte prohibíu, miente a Voldemort afirmando que ta muertu pa poder volver a Hogwarts y buscar a Draco.J. K. Rowling, Harry Potter and the Deathly Hallows, Bloomsbury, 2007.
Na serie cinematográfica foi interpretada por Helen McCrory.
Referencies
Enllaces esternos
Categoría:Personaxes de Harry Potter