Andrómeda ye una constelación del cielu septentrional y una de les 88 constelaciones modernes reconocíes pola Unión Astronómica Internacional. Foi tamién una de les 48 constelaciones descrites por Claudio Ptolomeo nel sieglu II. El so nome fai referencia a Andrómeda, personaxe de la mitoloxía griega.
Ocupa una superficie d'aproximadamente 722 graos cuadraos, lo que la convierte nuna de les constelaciones de mayor tamañu. Llenda con Perseu, Casiopea, Llagartu, Pegasu, Piscis y Triángulu.
La estrella más brillante de la constelación ye Alpheratz, o Alfa Andromedae, que históricamente tamién foi considerada parte de Pegasu. Otres estrelles destacaes son Mirach y Almach.
El so oxetu de cielu fondu más conocíu ye la Galaxa d'Andrómeda (M31), la gran galaxa espiral más próxima a la Vía Lláctea y visible a simple vista en bones condiciones. La constelación contién tamién les galaxes Messier 32 y Messier 110.
Ver tamién Galaxa d'Andrómeda Constelación Perséu (constelación)
Referencies
Enllaces esternos
Categoría:Constelaciones