Un informáticu teóricu ye un investigador especializáu na informática teórica, área de la informática que estudia los fundamentos matemáticos y lóxicos de la computación. El so trabayu céntrase en cuestiones como qué problemes pueden resolvese mediante algoritmos, qué recursos son necesarios pa resolvelos y cómo representar formalmente los procesos computacionales.
Ente les principales disciplines de la informática teórica tán la teoría de la computación, la teoría de la complexidá computacional, la teoría d'autómates, la teoría de llinguaxes formales, el diseñu y analís d'algoritmos, la criptografía y determinaes árees de lóxica matemática.
El trabayu d'un informáticu teóricu suele basase na formulación de modelos matemáticos, demostraciones formales y analís de problemes abstractos. Sicasí, munchos resultaos teóricos tienen aplicaciones direutes en campos como les redes de comunicación, la seguridá informática, les bases de datos, la intelixencia artificial y la optimización.
Figures como Alan Turing, Alonzo Church, Claude Shannon, John von Neumann, Stephen Cook y Donald Knuth realizaron contribuciones fundamentales a campos que güei formen parte de la informática teórica. El Premiu Turing, concedíu pola Association for Computing Machinery, reconoz contribuciones de gran importancia a la informática, incluyendo numberosos trabayos teóricos.
Ver tamién Informática teórica Teoría de la computación Complexidá computacional Algoritmu
Referencies
Enllaces esternos
Categoría:Profesiones de la informática