Euskal Herriko Ikasle Antolakunde Sozialista (IAS) (n'asturianu, «Organización Estudiantil Socialista d'Euskal Herria»), enantes conocida como Ikasle Abertzaleak (IA) (n'asturianu, «Estudiantes Patriotes»), ye una organización estudiantil comunista vasca . A lo llargo de la so esistencia, entamó campañes polos intereses del estudiantáu trabayador, contra la precariedá del alumnáu de formación profesional y la estensión social del euskera nel ámbitu educativu . La so práctica política portó dures midíes represives en ciertos casos, como el pidimientu de penes de prisión a dellos estudiantes pola fuelga contra la LOMCE de 2014.
Anguaño ye la mayor organización estudiantil del País Vascu y ye, xunto al Euskal Herriko Kontseilu Sozialista y la Gazte Koordinadora Sozialista, una de les principales organizaciones qu'integren el Movimientu Socialista vascu tres la rotura cola esquierda abertzale.
Propuesta política IAS entiende la dominación de clase como la base de toles opresiones sufiertes polos trabayadores y el comunismu como la organización social ensin clases que supera toles opresiones. Nesti camín, afaen la estratexa comunista al ámbitu educativu .
Anque'l so llabor centrase nel ámbitu educativu, nun entienden la superación de la educación capitalista ensin la superación de la sociedá capitalista. Por eso, tienen como oxetivu estratéxicu tantu l'Estáu Socialista Vascu como el sistema educativu socialista.
Na actualidá, s'organizan en numberosos centros educativos, universidaes y centros de formación profesional del País Vascu, defendiendo les condiciones ya intereses del estudiantáu trabayador.
Vease tamién
Movimientu Socialista Euskal Herriko Kontseilu Sozialista Gazte Koordinadora Sozialista
Referencies
Categoría:Sindicatos d'España Categoría:Movimientu Socialista