Los disturbios de Nueva Caledonia de 2024 fueron una serie de protestes, disturbios y enfrentamientos desarrollaos en Nueva Caledonia dende'l 13 de mayu de 2024, principalmente alredor de Numea. La crisis tuvo'l so desencadenante inmediatu nuna reforma del censu electoral promovida pol gobiernu francés.
La reforma pretendía ampliar el derechu de votu nes eleiciones provinciales a residentes franceses establecíos nel territoriu dende había diez años. Organizaciones independentistes canaques consideraron que'l cambiu podía amenorgar el pesu electoral de la población indíxena dientro del procesu de descolonización.
Los disturbios incluyeron barricades, saqueos, incendios y enfrentamientos armaos. El gobiernu francés declaró l'estáu d'emerxencia'l 15 de mayu y unvió refuerzos policiales y de xendarmería al archipiélagu.
La crisis causó catorce muertes y centenares de mancaos y deteníos, amás de graves daños económicos. El proyectu de reforma constitucional acabó abandonándose y los acontecimientos reabrieron el debate sobre'l futuru institucional de Nueva Caledonia.
Referencies
Enllaces esternos
Categoría:Historia de Nueva Caledonia Categoría:Manifestaciones y protestes en 2024 Categoría:Disturbios Categoría:2024 en Francia