ASIMO ye un robot humanoide desarrolláu pola empresa xaponesa Honda y presentáu'l 20 de payares de 2000. Foi'l resultáu de les investigaciones de Honda sobre locomoción bípeda, iniciaes en 1986 y desarrollaes primero colos robots esperimentales de la serie E y depués colos modelos P1, P2 y P3.Honda Motor Co., Ltd., «Honda Debuts New Humanoid Robot "ASIMO"», 20 de payares de 2000. El nome ye un acrónimu de Advanced Step in Innovative Mobility.
La versión presentada en 2000 medía 120 cm y pesaba 43 kg, dimensiones considerablemente inferiores a los 160 cm y 130 kg del so predecesor P3. Honda diseñólu con una altura que-y permitiera utilizar elementos d'espacios pensaos pa persones, como picaportes, interruptores, meses y bancos. El sistema de marcha i-WALK permitía-y modificar la dirección mentanto caminaba y desplazase per escaleres y pendientes.
Honda desenvolvió sucesives versiones con capacidaes crecientes. En 2002 presentó un ASIMO capaz d'interpretar postures y xestos humanos, siguir a una persona, desplazase na dirección indicada, reconocer cares y llamar a persones pol so nome.Honda Motor Co., Ltd., «Introducing a New ASIMO Featuring Intelligence Technology», 5 d'avientu de 2002. Versiones posteriores pudieron correr, realizar movimientos más complexos y participar en demostraciones públiques y actividaes de recepción y divulgación.Honda, «History of robotics development», Honda Global.
Honda concluyó'l desenvolvimientu d'ASIMO unos venti años depués de la so presentación. A lo llargo de la so vida pública'l robot visitó más de 25 países y la compañía reutilizó tecnoloxíes derivaes del proyeutu, especialmente les relacionaes col equilibriu, la marcha y l'asistencia a la movilidá, n'otros sistemes robóticos y productos.Honda, «75 Years of Honda History», Honda Global. ASIMO convirtióse nún de los robots humanoides más reconocibles de principios del sieglu XXI.
Referencies
Enllaces esternos
Categoría:Robots humanoides Categoría:Honda