El Volkswagen ID. Polo ye un automóvil eléctricu del segmentu B fabricáu pola empresa alemana Volkswagen. Presentóse definitivamente en 2026 y ye'l primer modelu de la familia eléctrica Volkswagen ID. que utiliza'l nome d'un modelu históricu de la marca.
El modelu deriva conceptualmente del prototipu ID.2all, presentáu en 2023. En 2025, Volkswagen anunció una nueva estratexa de nomes pola que los vehículos eléctricos pasaríen a utilizar denominaciones tradicionales de la marca, siendo ID. Polo'l primeru d'ellos.
Ta construyíu sobre la plataforma eléctrica MEB+ del Grupu Volkswagen y utiliza tracción delantera, a diferencia de dellos modelos ID. anteriores de mayor tamañu. La producción empezó en marzu de 2026 na fábrica de SEAT y Cupra en Martorell, Cataluña, xunto col Cupra Raval.
La gama inicial inclúi motores de 85 kW (116 CV), 99 kW (135 CV) y 155 kW (211 CV). Les dos versiones menos potentes utilicen una batería LFP de 37 kWh netos, con una autonomía prevista de hasta unos 329 km. La versión de 155 kW utiliza una batería NMC de 52 kWh y puede algamar hasta 454 km d'autonomía.
La batería pequeña admite carga rápida de hasta 90 kW, ente que la de 52 kWh llega hasta 105 kW. El modelu incorpora una nueva xeneración del sistema multimedia de Volkswagen y recupera controles físicos pa funciones como la climatización.
Una variante deportiva ID. Polo GTI, con 166 kW (226 CV), ta prevista pa incorporase posteriormente a la gama.
Ver tamién Volkswagen Polo Volkswagen ID. Volkswagen ID.2all Cupra Raval
Referencies
Enllaces esternos Volkswagen ID. Polo na páxina de Volkswagen.
Categoría:Automóviles Volkswagen Categoría:Automóviles eléctricos Categoría:Automóviles del segmentu B Categoría:Automóviles fabricaos n'España Categoría:Automóviles presentaos en 2026