El Centru de Llanzamientu de Satélites de Jiuquan (en chinu simplificáu: 酒泉卫星发射中心; pinyin: Jiǔquán Wèixīng Fāshè Zhōngxīn) ye un puertu espacial de China, fundáu en 1958. Ta asitiáu nel desiertu del Gobi, na rexón autónoma de Mongolia Interior, cerca de la llende cola provincia de Gansu, magar que recibe'l nome de la ciudá de Jiuquan.
Ye'l más antiguu de los centros de llanzamientu espacial chinos y foi'l llugar dende'l que se llanzó'l 24 d'abril de 1970 el Dong Fang Hong 1, primer satélite artificial del país. Tamién ye la principal base de los vuelos tripulaos del programa espacial de China, incluyíu'l llanzamientu de les naves Shenzhou por aciu de cohetes de la familia Llarga Marcha. En 2003 partió dende Jiuquan la misión Shenzhou 5, que convirtió a Yang Liwei nel primer ciudadanu chinu nel espaciu.
Referencies
Enllaces esternos
Categoría:Puertos espaciales Categoría:Programa espacial de China Categoría:Edificios y estructures de Mongolia Interior Categoría:Arquiteutura de 1958