Conde Piniolo [s. IX] Piniolus, Piniolum nes cróniques medievales. Conde palatín del rei Ramiru I d’Asturies.
Asocedió al conde palatín Aldroitu tres la so sublevación y posterior castigu. Poco dempués, el propiu Piniolo tamién se sublevó contra’l rei Ramiru I.
Desconozse la fecha exacta, pero tuvo que soceder en dalgún momentu ente los años 845 y 850. Na Crónica Albeldense califícase-y de soberbio y, polo que cuenten les cróniques de la dómina, la rebelión de Piniolo tuvo que ser de mayor entidá que la d’Aldroitu, inclusive ye posible que llegara a usurpar el tronu, tal como paez indicar la Crónica Ad Sebastianum:
«Tamién Piniolo, que foi dempués d’él (Aldroitu) conde de palaciu, llevantóse en abierta usurpación contra’l rei. Foi muertu por él xunto colos sos siete fíos».
Les cróniques Rotense y Ad Sebastianum coinciden en que’l castigu pal rebelde nesta ocasión foi la so muerte xunto cola de los sos siete fíos.
Referencies Piniolo, Comes Palatinus de Ramiro I de Asturias
Bibliografia Gran Enciclopedia Asturiana, ed. Silverio Cañada (Gijòn). Vol. 11, pg. 269.- ISBN:84-7286-015-9
Categoría:Nobles d'Asturies