El llagu Pangong o Pangong Tso (Tso, en ladhaki, significa «llagu») ye un llagu asitiáu nel Himalaya, a una altitú d'unos 4.250 m. Tien 134 km de llargu y estiéndese dende la India al Tíbet. Dos terceres partes del llargor del llagu alcuéntrense en territoriu chinu. Llega a los 5 km nel so puntu más anchu. Pel hibiernu el llagu conxélase totalmente a pesar de que la so agua ye salada.
A Pangong Tso puede llegase en coche en 5 hores dende Leh, per una carretera de monte bien difícil. La carretera pasa pol pasu de Changla, a una altitú de 5.360 m. L'accesu al llagu atópase abiertu na temporada turística, de mayu a setiembre.
En China necesítase un permisu especial pa acercase al llagu. Ente que en India puede pedise un permisu a títulu individual en Leh, los ciudadanos non indios precisen formar un grupu de siquier cuatro persones pa consiguilu. Por razones de seguridá, nun se dexa salear en barcu pel llagu. ye que tien diferentes cantidades de sal nel agua de este a oeste. El llagu ye de agua duce en China, el centro ye un llagu semi saláu y el oeste ye un llagu saláu (en Cachemira).Llagu Pangong Tso dende el espacio, Páxaros del Llagu Pangong Tso, Llagu en China ya India,Pangong Tso, Tíbet, India, Pangong Lake, District Leh, Ladakh, India, .
Referencies
Enllaces esternos
Google Satellite Imaxe Mapa
Categoría:Xeografía de China Categoría:Xeografía de la India