El piscardo, pescardo o foxino (Phoxinus phoxinus) ye un pexe cipriniforme de la familia de los ciprínidos.Base datos de pexies
Trátase d'un pexe gregariu d'agua duce de pequeñu tamañu, que suel movese formando cardúmenes numberosos y habita por tol continente euroasiático n'agües fríes y bien osixenaes que les sos temperatures asitiase ente 2 °C y 20 °C. N'ocasiones utilízase como cebu y alimentu para truches en delles piscifactoríes.
El piscardo ye un pexe pequeñu, que nun suel superar los 10 cm de llargor. El so cuerpu ye allargáu, y la cabeza grande en comparanza. Presenta pequeñes escames. La so coloración ye variable en función de la dómina del añu y suelen vivir una media de 6 años. Polo xeneral habiten nos tramos medios y altos de los ríos. La so reproducción tien llugar ente los meses d'abril y xunetu, y pa llevala a cabu la temperatura de l'agua tien de superar los 12 °C.
Aliméntase de bárabos, inseutos, crustáceos, viermes, plancton y moluscos de pequeñu tamañu.
Na península ibérica, alcuéntrase sobre manera en zones septentrionales, como nes cuenques altes del Douru y del Ebro, onde se considera especie introducida. Sicasí, hai llugares onde se -y considera especie autóctona, como nel este del ríu Narcea, na cuenca del Mediterráneu o al norte del Ebro.
Bibliografía adicional
Referencies
Enllaces esternos
Categoría:Fauna d'Europa