Julia Alcayde Montoya foi una pintora asturiana, considerada como una de les meyores pintores españoles de finales del sieglu XIX y empiezos del , que destacó polos sos bodegones, floreros y escenes de caza, anque tamién trabayó'l paisaxe y la semeya. Ye una de les primeres artistes asturianes de relieve y una de les máximes representantes del bodegón burgués.
Biografía Alcayde nació en Xixón, pero siendo entá neña foi treslladada a vivir a Madrid, anque nun perdió'l contautu cola so tierra natal, tornando a Asturies siempres que-y foi posible. La so formación artística entamó na Escuela d'Artes y Oficios de Madrid que dirixía'l profesor Manuel Ramírez. Lluéu destacó pola so capacidá p'afigurar emociones con llápices y pincel al traviés de distintes téuniques como l'oliu, l'acuarela o el pastel. Coles mesmes que desenvolvía la so actividá artística caltuvo una intensa relación con destacaes figures de la política y la cultura, ente los que destacaben Benito Pérez Galdós y Emilia Pardo Bazán.
La so obra foi espuesta en diverses Esposiciones Nacionales de Belles Artes llegando dalgunes d'elles a ser galardonaes col tercer premiu en forma de medaya nes ediciones de 1892 y 1895, segundu premiu en dos causes; en 1899 pola obra El puesto de mi calle (anguaño nel Muséu Xovellanos) y en 1912 pol llenzu tituláu Frutes. Tamién participó nes Esposiciones Internacionales de Chicago de 1893, Bruxeles de 1910, Buenos Aires y Roma de 1911 y Múnich de 1913. N'Asturies, algamó'l primer premiu del concursu de pintura entamáu pol periódicu El Noroeste, de Xixón. En 1903 llogró una primer medaya na esposición celebrada nel Círculu de Belles Artes de Madrid, y allegó, igualmente, a los Salones de seronda de Madrid.
Ye la artista asturiana que más medayes llogró nes Esposiciones Nacionales de Belles Artes.
El poeta Antonio F. Grilo escribió d'ella na dedicatoria del so llibru Ideales: "A la más bella y espiritual de les muyeres; a la Reyna de les artistes españoles, al pincel más inspiráu de les frutes y de les flores; a la mio neña mimada, Julia Alcayde".
Recibió, amás, comentarios bien gloriadores per parte de la crítica apaecíos en Blanco y Negru, ABC, La Ilustración Español y Americano, El Sol, la revista Asturies, El Noroeste de Xixón, y n'otros munchos periódicos y revistes, tantu de Madrid, como d'Asturies, lo mesmo que de les otres provincies españoles.
La so última esposición tuvo llugar en 1935, a partir de la cual retiróse de la vida artístico y social.
Obra y estilu izquierda|miniaturadeimagen|El puesto de mi calle, óleo sobre lienzo La so producción artística especializose en bodegones, floreros y escenes de caza, anque tamién trabayó la semeya, ente los que destaca'l dedicáu al so padre o el so propiu autorretratu qu'anguaño permanez espuestu nel Muséu Xovellanos de Xixón. Cultivó, amás, con gran mayestría'l paisaxismu. La so obra enmarcase nuna reproducción fiel de la naturaleza y les sos connotaciones climatolóxiques que se convirtieron nel sellu dixebrador de la pintura asturiana de finales del .
La composición de floreros y bodegones apurriéron-y un sólidu y duraderu ésitu, lo que dexó que dellos críticos asitiaranla como bodegonista al altor de Zurbarán, Sebastián Gessa, Isidre Nonell o Juan Gris.
Anguaño la so obra atopase en museos como'l Muséu del Prado, Museo Xovellanos, Muséu de Belles Artes o el Museu Nacional d'Art de Cataluña, instituciones públiques y coleiciones particulares, non yá n'España sinón en ciudaes como Múnich, Berlín, Berna, Zúrich, Chicago o Buenos Aires, onde nel so momentu participó n'esposiciones internacionales.
El puesto de mi calle, Bodegón de La Caza y el Bodegón de les mandarines son dalgunes de les sos obres más conocíes.
Referencies
Categoría:Pintores d'Asturies