Carl Friedrich Philipp von Martius foi médicu, naturalista, botánicu, antropólogu y ún de los más importantes investigadores alemanes qu'estudiaron el Brasil y especialmente la rexón del Amazones. Fizo grandes aportaciones pal conocimientu de les palmeres y tamién foi violinista.
Biografía
Von Martius pasó 10 meses de la vida na rexón norte del país, tiempu abondo pa marcar los 40 años posteriores a la so estancia, tan intensa foi la so vinculación con esa rexón.
Los sos estudios sobre botánica convirtiéronse nun gran legáu cultural hasta los nuestros díes. Sicasí, la so obra nun se llimitó namás a la botánica y, según Erwin Theodor Rosenthal, ye imposible nun consultar les sos obres anguaño cuando se fai investigación sobre metodoloxía histórica referida al sieglu XIX, por exemplu, sobre etnografía, folclor brasilanu o estudios de les llingües indíxenes. 440px|thumb|Ruta siguida por von Martius y von Spix, ente 1817 y 1820.
Llegó al Brasil como parte de la comitiva de la Gran Duquesa austríaca Lleopoldina, que viaxaba pal Brasil pa casar con Pedro I de Brasil. Na mesma espedición viaxó al Brasil el científicu Johann Baptist von Spix que, xunto con Martius, recibiera de l'Academia de Ciencies de Baviera l’encargu d’investigar les provincies más importantes del Brasil y formar coleiciones botániques, zoolóxiques y mineralóxiques.
La monografía de von Martius “Cómo ha d'escribise la historia del Brasil” apaez enllena d’una preocupación por una historia que tomara la idea d’un pasáu nacional común a tolos brasileiros, qu'empieza col surdimientu políticu del Brasil independiente.
Dende’l periodu colonial ye posible atopar escritos que fueron llamaos histories del Brasil, como rellatos d’alministradores, misioneros y viaxeros que rexistraron los fechos asocedíos y observaciones sobre la vida y costumes de los habitantes del Brasil ente los sieglos XVI y XVIII.
A partir de la creación del Institutu Históricu y Xeográficu Brasilanu (1838), alredor de siete años enantes de la fecha de la monografía, percíbese más claramente la preocupación de la élite lletrao y político por un proyeutu de formular una historia del Brasil.
Pero al empiezu de la década siguiente acentúense les cuestiones rellacionaes cola formulación d’una historia patria. Nun momentu nel que la élite dirixente buscaba consolidar l’Estáu imperial, toles cuestiones rellacionaes cola historia del Brasil yeren cruciales pa trazar la forma de cómo contala y la manera de cómo los brasilanos se veríen a sí mesmos.
Pa buscar respuestes a eses innumberables cuestiones, el secretariu del Instituto Histórico Januário da Cunha Barbosa propunxo un premiu pa quien respondiera cuál yera’l meyor sistema pa escribir la Historia del Brasil. El ganador del concursu foi von Martius, que taba en contautu cola moda de la disciplina histórica n’Europa, particularmente con Alemaña.
Martius defendía una historia del Brasil que fuera al tiempu “filosófica” y “pragmática”, teniendo como fechu central la formación del so pueblu, incluyendo nesta formación la mezcla das raças.
Obres 1817. Flora cryptogamica erlangensis 1823. Nova Genera et Species Plantarum Brasiliensium 1823. Reise in Brasilien. Tres vols. hasta 1831 1823. Historia naturalis palmarum. Tres vols. hasta 1850 1824. Historia Palmarum 1824. Palmarum familia ejusque genera denuo illustrata 1828. Icones selectae Plantarum Cryptogamicarum Brashiensium 1832. Beschreibung einiger neuer Nopaleen. En: Nova Acta Physico-Medica Academiae Caesareae Leopoldino-Carolinae Naturae Curiosorum Exhibentia Ephemerides sive Observationes Historias et Experimenta… 16 (1): 322–362. 1843. Palmetum Orbignianam, hasta 1846 Flora Brasiliensis. en línea 1867. Beiträge zur Ethnographie und Sprachenkunde Amerikas Beiträge zur Ethnographie und Sprachkunde Amerika's zumal Brasiliens, Neudruck der Ausgabe de 1867 de 1969 Frey Apollonio. Roman aus Brasilien, erlebt und erzählt von Hartoman, acordies col manuscritu orixinal de 1831, Dietrich Reimer Verlag, Berlín 1992, ISBN 3-496-00418-5 The Book of Palms - Das Buch der Palmen trillingüe n’alemán, inglés y francés, con un ensayu de H. Walter Lack (ed.) Taschen Verlag, Colonia 2010, ISBN 978-3-8365-1779-9
Eponimia (Caesalpiniaceae) Martiodendron'' Gleason Phytologia 1: 141. 1935 (GCI)
Referencies
Bibliografía utilizada
Enllaces esternos
Categoría:Nobles d'Alemaña Categoría:Pteridólogos y pteridólogues d'Alemaña Categoría:Micólogos y micólogues d'Alemaña Categoría:Algólogos y algólogues d'Alemaña Categoría:Médicos y médiques d'Alemaña Categoría:Historiadores d'Alemaña Categoría:Profesores de la Universidá de Múnich Categoría:Escritores en llatín Categoría:Esploradores d'Alemaña Categoría:Esploradores d'América del Sur Categoría:Esploración del Brasil Categoría:Miembros de l'Academia de Ciencies de Baviera Categoría:Miembros de la Real Academia de les Ciencies de Suecia Categoría:Miembros de la Royal Society Categoría:Miembros de l'Academia de les Ciencies de Turín Categoría:Miembros de la Lleopoldina Categoría:Miembros de l'Academia Nacional de Medicina de Francia