Edward Hallett Carr foi un historiador, diplomáticu, periodista, teóricu de les rellaciones internacionales y un opositor del empirismu dientro de la historiografía. Carr foi más conocíu por A History of Soviet Russia, una historia en 14 volúmenes de la Xunión Soviética de 1917 a 1929, polos sos escritos sobre rellaciones internacionales, particularmente The Twenty Years' Crisis, y pol so llibru What Is History? nel que espunxo principios historiográficos que refuguen métodos y práutiques tradicionales de la historia.
Educáu na Merchant Taylors' School de Londres y dempués en Trinity College (Cambridge), Carr entamó la so carrera como diplomáticu en 1916; tres años más tarde, participó na Conferencia de Paz de París como miembru de la delegación británica. Al tar cada vez más ocupáu nel estudiu de les rellaciones internacionales y de la Xunión Soviética, dimitió del Foreign Office en 1936 pa entamar una carrera académica. De 1941 a 1946, Carr trabayó como editor asistente en The Times, onde destacó polos sos artículos (editoriales) defendiendo un sistema socialista y una alianza anglo-soviética como base del orde de la posguerra.
Referencies
Enllaces esternos
Categoría:Historiadores d'Inglaterra Categoría:Periodistes del Reinu Xuníu Categoría:Diplomáticos y diplomátiques del Reinu Xuníu Categoría:Escritores d'Inglaterra Categoría:Politólogos y politólogues del Reinu Xuníu Categoría:Profesores del Reinu Xuníu Categoría:Políticos y polítiques d'Inglaterra