CSI: NY (Crime Scene Investigation: New York, estilizáu como CSI: NY/Crime Scene Investigation) ye una serie de televisión d'Estaos Xuníos de procedimientu policial que s'emitió en CBS dende'l 22 de setiembre de 2004 hasta'l 22 de febreru de 2013, con nueve temporaes y un total de 197 episodios orixinales. La serie sigue al equipu d'investigación de Departamentu de Policía de Nueva York (NYPD) formáu por científicos forenses y axentes de policía identificaos como "Crime Scene Investigators" (en llugar del títulu de la unidá policial real de Crime Scene Unit Forensic Technicians (CSU)), que desmarañen les circunstancies detrás de muertes misterioses y estrañes, amás d'otros delitos. La serie ye un spin-off indirectu de la veterana CSI: Crime Scene Investigation y un spin-off direutu de CSI: Miami, a partir d'un episodiu nel qu'apaecieron per primer vegada dellos personaxes de CSI: NY. Ye la tercer entrega de la franquicia CSI.
En 2004, CSI: NY foi producida en collaboración cola compañía canadiana Alliance Atlantis.Tillson, Tamsen (20 de payares de 2003). "'CSI's build Alliance Atlantis bank" . Variety. Consultáu'l 12 de xunu de 2011. La compañía dixebróse tres la tercer temporada en 2007 y la producción posterior quedó baxo la supervisión de CBS Paramount Television.
La serie rodóse nel CBS Studio Center, con munches escenes esteriores filmaes en Los Angeles y alredores.Szymanski, Mike (23 de mayu de 2011). "Shatner's $#*! and 8 Other Shows Shot at CBS Radford Lot Get the Boot" . Studio City Patch. Consultáu'l 29 de xunetu de 2011. Dalgunes escenes rodáronse tamién en llugares de Nueva York.Guthrie, Marisa (2 d'abril de 2007). "Location shots have put the N.Y. into CSI" (). Daily News. Consultáu'l 29 de xunetu de 2011.
La serie emitió'l so últimu episodiu'l 22 de febreru de 2013. El 10 de mayu de 2013, CBS canceló la serie tres nueve temporaes.Goldberg, Lesley (10 de mayu de 2013). "CBS Cancels CSI: NY After Nine Seasons". The Hollywood Reporter. Consultáu'l 10 de mayu de 2013.
Gary Sinise, Carmine Giovinazzo, Hill Harper y Eddie Cahill son los únicos actores principales que apaecieron nos 197 episodios de la serie.
Repartu
Referencies
Enllaces esternos
Categoría:Series de televisión d'Estaos Xuníos Categoría:Series de televisión de CBS Categoría:2004 Categoría:2013