Milan Kučan ye un políticu y estadista eslovenu.
Biografía Nació na rexón montesa Goričko de Transmurania, nuna familia luterana. El so apellíu orixinal ye Küčan nel idioma prekmuru.
En 1958, a los 17 años, afilióse al Partíu Comunista eslovenu, dedicándose a la política desque en 1963 se llicenciara en Derechu. En 1986 pasa a ser xefe del Presidium del Comité Central eslovenu, siendo el impulsor d'una corriente que trabayaba pola democratización del país, y qu'acabó llogrando que se reconociesen los partíos políticos. Foi'l líder del Partíu Comunista hasta 1989, cuando'l partíu se convirtió nel Partíu de Reforma Democrática.
El 25 de xunu de 1991 declaró la independencia d'Eslovenia de Yugoslavia. Depués españó la guerra ente'l nuevu estáu y Yugoslavia, pero Kučan convenció a los países occidentales pa que sofitaren la independencia eslovena, polo que la guerra terminó ceo. Aportó al cargu en 1991, depués d'imponese na segunda vuelta. Permaneció nel cargu hasta 2002. En dexando la presidencia, siguió en política. Por casu, dende payares de 2004 ye miembru del Club de Madrid.
Referencies
Bibliografía
Enllaces esternos
Categoría:Persones de Transmurania Categoría:Abogaos y abogaes d'Europa Categoría:Presidentes d'Eslovenia Categoría:Comunistes d'Eslovenia