Josu Calvo Aurrekoetxea ye un físicu, astrofísicu, cosmólogu y profesor universitariu vascu.https://www.20minutos.es/ciencia/josu-aurrekoetxea-doctor-fisica-supercomputacion-podria-aclarar-origen-universo_6240937_0.html
Ye investigador nel Institutu Teunolóxicu de Massachusetts (MIT) nel equipu del cosmólogu Alan Guth. Enantes foi investigador y profesor universitariu na Universidá d'Oxford.
Ta especializáu en cosmoloxía y relatividá numbérica.
Biografía Estudió nel institutu IES Saturnino de la Peña BHI de Sestao. Cuando cursaba primeru de Bachiller, ganó un premiu de química, dau pola Asociación Nacional de Químicos d'España.
Estudió'l grau en física na Universidá del País Vascu (2012-2016), llogrando'l grau cola tesina titulada "Inflación Eterna y el Multiverso. Un estudio desde los problemas de la teoría del Big Bang hasta el Multiverso inflacionario", dirixida pol astrofísicu José Juan Blanco-Pillado.https://www.eitb.eus/es/radio/radio-euskadi/programas/mas-que-palabras/detalle/9252581/el-investigador-ikerbasque-de-upvehu-jose-juan-blanco-pillado/ Foi escoyíu por Bizkaia Talent pal Programa Talentia na so séptima edición (2015-2016), siendo parte de la Rede Talentia.https://www.eitb.eus/es/radio/radio-euskadi/programas/boulevard/detalle/6356719/brexit-erasmus-reino-unido-matriculas-se-triplican/ Foi becáu por Bizkaia Talent para cursar estudios de posgráu nel estranxeru.
Darréu cursó un máster en ciencies (MSc) en física teórica y matemática nel Imperial College de Londres (2016-2017), llogrando'l Premiu de posgráu Abdus Salam por ser el primeru de la promoción del máster.https://www.imperial.ac.uk/physics/students/current-students/postgraduate-research/prizes-and-awards/ La so tesis de máster trató sobro física teórica, titulada "Inhomogeneous Inflation in 3+1D" y foi supervisada pol astrofísicu y cosmólogu británicu Eugene A. Lim.https://imperialcollegelondon.app.box.com/s/5khi8gfqefk35hialgawjohao7408e0q
Doctoróse (PhD) en física teórica nel King's College de Londres en 2021, cola tesis doctoral "The role of strong gravity in the early universe" sobro relatividá numbérica y cosmoloxía teórica, so la dirección del astrofísicu y cosmólogu británicu Eugene A. Lim. Ta especializáu en cosmoloxía y relatividá numbérica.
Trayectoria En 2021 xunióse al subdepartamentu d'astrofísica de la Universidá d'Oxford y al Queen's College como becariu Beecroft (Beecroft Fellowship) ya investigador en física. Amás de los llabores d'investigación, tamién enseñó física y relatividá nel Queen's College.https://www.queens.ox.ac.uk/blog/black-holes-and-spherical-cows/
En 2024, Aurrekoetxea, Eugene A. Lim y Katy Clough publicaron l'estudiu "Cosmology using numerical relativity", nel que reivindicaben l'usu de la relatividá numbérica para entender los primeros intres del universu. L'estudiu tuvo una notable repercusión na prensa nacional británica ya internacional.https://www.astronomy.com/science/scientists-seek-to-discover-what-came-before-the-big-bang/https://thedebrief.org/what-came-before-the-big-bang-new-study-says-numerical-relativity-could-unlock-cosmologys-biggest-mysteries/https://www.larazon.es/tecnologia/cientificos-oxford-podrian-haber-resuelto-que-ocurrio-antes-big-bang_2025082368a98fd9fb354e4b3d1c19c8.htmlhttps://muyinteresante.okdiario.com/ciencia/universo-antes-del-big-bang-relatividad-numerica.html
Dende 2025 ye investigador nel Institutu Teunolóxicu de Massachusetts (MIT), onde investiga sobro inflación y el multiversu nel equipu del cosmólogu Alan Guth, quien formuló la teoría nos años 1980.
Amás, Aurrekoetxea tamién impartió seminarios y conferencies, ente otros, na Universidá de Columbia, na Universidá de Princeton, nel Imperial College de Londres, nel Institut d'Astrophysique de París (Universidá Sorbona), nel Institutu Perimeter de Física Teórica, nel MIT o na Universidá de Kioto.
Vida personal Anguaño mora n'Estaos Xuníos.
Publicaciones Lim, E. A., Clough, K. & Aurrekoetxea, J. C., Cosmology using numerical relativity. Living Reviews in Relativity, 28, 5 (2025).
Referencies
Enllaces esternos
Categoría:Persones de Sestao Categoría:Físicos y físiques Categoría:Astrofísicos y astrofísiques