7337

7337 ye un curtiumetraxe español d'horror pantásticu del añu 2000 dirixíu por Sergio G. Sánchez. Según el propiu director, el guión ye precursor de la película El orfanato. El cineasta asturianu Ramón Lluis Bande nel so análisis sobre cine asturianu camienta que ye «el meyor curtiumetraxe de ficción de la historia del cine asturianu». Bande, Ramón Lluis (20 de octubre de 2020). «Como una familia ensin álbum de fotografíes. Una mirada a un cine nacional asturianu posible». Lletres Asturianes (123): 197-213. ISSN 2174-9612. Consultado el 29 de octubre de 2025.

Argumentu Una maestra llega a una escuela rural nun pueblu del occidente d’Asturies, Naviel.la, abandonáu de magar la Guerra Civil. Ellí decátase de fenómenos estraños, como l’apaición de neños y ruíos desiguaos, suxiriendo que’l llugar ta embruxáu."Los monstruos d'unos neños asesinaos na guerra del 36 protagonicen la historia de la llegada d'una maestra a una escuela rural abandonada nun pueblu pantasma del occidente asturianu."Bande, Ramón Lluis (20 de octubre de 2020). «Como una familia ensin álbum de fotografíes. Una mirada a un cine nacional asturianu posible». Lletres Asturianes (123): 197-213. ISSN 2174-9612. Consultado el 29 de octubre de 2025.

Producción 7337 foi escritu y dirixíu por Sergio G. Sánchez nel añu 2000. Prodúxolu Raúl Díaz pa la compañía asturiana Watson Pepe S.L.

El curtiumetraxe ye conocíu por ser el precursor de la célebre película d'horror El orfanato (2007), col guión escritu tamién por Sánchez y que marcaría la so primer collaboración col director Juan Antonio Bayona. Según Sánchez, 7337 ye una especie de versión curtia de la historia que depués desendolcaría nel llargumetraxe.7337 (C) (2000),Cruz, Diego García (30 de mayo de 2020). «Sergio G. Sánchez». Celsius 232. ​

Repartu

  Marta Belaustegui como la maestra Arsenio González como’l pastor Enrique Sánchez-Marín como’l neñu Covadonga González como la neña del suétanu Nadia García, Daniel Álvarez, Irene Sáez, Tarsila Sánchez, Ana Fernández, Víctor González y Juan González como los neños del monte.

Recepción

Recepción y Crítica El curtiumetraxe foi perbién recibíu per parte de la crítica, destacándose la so calidá téunica y el so enfoque dientro del xéneru d'horror góticu.

El cineasta asturianu Ramón Lluis Bande camienta que ye «el meyor curtiumetraxe de ficción de la historia del cine asturianu» y que se trata de «una película de terror qu’a pesar d’apostar poles maneres del cine industrial –y pol curtiumetraxe como llave qu’abre la puerta de la industria– tien un compromisu esplícitu cola historia de la tierra na que se rueda.» Señala tamién nel so análisis sobre’l Nuevu Cine Asturianu que «la crítica asturiana destacó nel so momentu que la película funciona a la perfección como filme de xéneru pantásticu de terror y, al tiempu, como alegoría sociopolítica.»

P. Tur del Periódico de Ibiza y Formentera describió la obra como «un curtiumetraxe de gran calidá técnica y estilu clásicu […], que s’asitia na llinia sobrenatural que volvió a les pantalles nos caberos años».Tur, Pep (28 de octubre de 2001). ««7337», de Sergio G. Sánchez, mejor 'corto' de Elektrozine». Periódico de Ibiza y Formentera. Consultado el 29 de octubre de 2025.

Javier Ocaña del diario El País señaló que representa’l primer éxitu de Sánchez nel curtiumetraxe español. Calificólu como una «perbona pieza de terror con aspiraciones de fabulación gótica».Ocaña, Javier (27 de octubre de 2017). «La pulcritud de lo terrible». El País. ISSN 1134-6582.

Miguel Barrero d’El Cuaderno remarcó que, enantes que Sánchez guionizara grandes éxitos como El orfanato, Lo imposible y Palmeras en la nieve, yá amosaba maneres con curtiometraxes como 7337 y Temporada baja.Barrero, Miguel (26 de septiembre de 2017). «Asturias, a 24 imágenes por segundo». El Cuaderno.

Valoración Llingüística L’Academia de la Llingua Asturiana valoró positivamente’l curtiumetraxe en términos de normalización llingüística del asturianu. La institución destacó que la película presentaba a una maestra —una persona culta y de prestixu— escribiendo’l so diariu personal n’asturianu y calteniendo una conversación espontánea nesta llingua con un neñu. Afirmaron que 7337 yera un «ejemplu a siguir» pa otros artistes que buscaren retratar la realidá d’Asturies. Cinematográficamente, l’Academia resaltó la espresividá de Marta Belaustegui y la gran tensión llograda na «austera» historia.Recursos y estratexes didáutiques: actes del XI Alcuentru Internacional "Llingua Minoritaria y Educación" (en castellà), 2007, p. 47-48. ISBN 9788481684469

+AñuPremiuCategoríaReceptor(s)Resultáu2000XI Semana de Cine Fantástico y de Horror de San SebastiánMejor interpretación femeninaMarta BelausteguiFestival de Curtmetratges de les Illes BalearsMejor cortometraje nacional73372001ElektrozineMejor cortometraje (premio del jurado)7337Mejor direcciónSergio G. SánchezCertamen Internacional de Cortos de SoriaMejor interpretaciónMarta Belaustegui uropa Press (21 de mayo de 2001). «El cortometraje 'Todo iba mal menos tú' gana el primer premio del I Festival Cerdanyola va de Cine». www.europapress.es. Consultado el 29 de octubre de 2025.Festival de Cinema i Arts visuals de CerdanyolaPremio especial del juradoSergio G. SánchezCertamen de Cortometrajes de PonferradaMejor cortometraje73372002FantasportoMejor cortometraje de fantasía73372003I Certamen Nacional de Cortos FantàsticosMejor cortometraje7337

Referencies

Bibliografía

HAVEL, J. (2002). 7337. Cuadernos de la Filmoteca d’Asturies. Conseyería de Cultura del Principáu d’Asturies.

Categoría:Cine asturianu