miniaturadeimagen|308x308px|Ramón Lluís Bande, entamador del Nuevu Cine Asturianu El Nuevu Cine Asturianu ye la denomación aplicada a la corriente de producción audiovisual qu’entama a surdir nel Principáu d’Asturies de magar la década de 1990 y que s’afitará dafechu a principios del sieglu XXI. Destácase por ser cine independiente, de baxu presupuestu y al marxe de les estructures industriales tradicionales.Bande, Ramón Lluis (2020). Libros Asturianos 123, ed. «Como una familia ensin álbum de fotografíes. Una mirada a un cine nacional asturianu posible» Por un regular, trátase d’un cine de non-ficción, documentación y ensayu. La filmografía del Nuevu Cine Asturianu aveza tratar temátiques de memoria colectiva, identidá y conflictu de clases.Elena Silva (25 de febrero de 2023). «El nuevo cine asturiano, en primera línea de fuego contra el olvido». www.elsaltodiario.com (en local). Ye tamién polo xeneral un cine políticu, señala Ramón Lluis Bande (1972), consideráu entamador del Nuevu Cine Asturianu, pioneru nel desendolcu del marcu teóricu y, en pallabres del históricu analista de cine José Havel, con «una poderosa personalidá fílmica».Havel, Jose (2000). Cine asturianu en J. Havel, Miraes. Ámbitu.«No es país para la ficción: el brillante nuevo cine asturiano». La Voz de Asturias. 9 de marzo de 2021.«Ramón Lluis Bande presenta "Retaguardia" su película más punk | 63 FICX – Festival Internacional de Cine de Gijón / Xixón». ficx.tv. Los nomes venceyaos a esta corriente arriendes del propiu Bande son el periodista y cineasta Tito Montero (1978), qu’amás de les sos producciones fílmiques desendolca tamién una investigación sobre’l Nuevu Cine Asturianu, José Antonio Quirós (1961), Gonzalo Tapia (1963), Lucinda Torre (1965), Santos Hevia (1969), Juan Luis Ruiz (1970), Lucía Herrera (1975), Samu Fuentes (1972), Elisa Cepedal (1982), Teresa Marcos, Marcos M. Merino (1973), Diego Llorente (1984), Luís Argeo (1975), Alex Galán (1988).Sánchez Blasco, Pablo (1 de diciembre de 2014). «Nuevos planes, idénticas estrategias: apuntes sobre un cine asturiano actual // New plans, identical strategies: notes on Contemporary Asturian cinema». BÍBLICO [(2172-9077)9,2014,64-84]. ISSN 2172-9077. Ente la nueva xeneración de cineastes tán Celia Viada Caso (1991), Pablo Casanueva (1995), Alicia Moncholí (1998), Diego Flórez o Samuel Fernandi (1991), qu’abre’l camín de l’animación.Sánchez Blasco, Pablo (1 de diciembre de 2014). «Nuevos planes, idénticas estrategias: apuntes sobre un cine asturiano actual // New plans, identical strategies: notes on Contemporary Asturian cinema». BÍBLICO [(2172-9077)9,2014,64-84]. ISSN 2172-9077.Quintanal, Leticia (19 de noviembre de 2024). «Ramón Lluís Bande: "Quiero volver a exhumar las ideas políticas que metieron los cuerpos en las fosas comunes"». ElDiario.es.Álvarez Vazquez, Eva. «El cine de resistencia. El papel fundamental del cine asturiano en la construcción de la identidad y memoria»].
Antecedentes cinematográficos n’Asturies L’actividá cinematográfica n’Asturies enantes del surdimientu d’esta nueva fola de cine asturianu foi intermitente y ensin una contorna industrial afitada. Históricamente, la rexón emplegóse como llocalización pa rodaxes de producciones ayenes, enfocaesn’ambientes rurales o de provincies. Son exemplos d’estes filmaciones Las aguas bajan negras (José Luis Sáenz de Heredia, 1948) y Los peces rojos (José Antonio Nieves Conde, 1955), La dama del alba (Emilio Gómez Muriel, 1950) o Marianela (Angelino Fons, 1972). El director artísticu Gil Parrondo rodó en 1970 nes cais de la so L.luarca natal«Luarca inaugura un espacio dedicado a Gil Parrondo». Academia de cine. Consultado el 4 de noviembre de 2025. y José Luis Garci rodó n’Asturies Volver a empezar (1982).Parcero, María (24 de julio de 2024). «"Volver a empezar": La película que convirtió Gijón en una ciudad de cine». THE TRAVELLING SET. Aunque cineastes asturianos reconocíos como Gonzalo Suárez allugaron gran parte de la so obra na rexón, esta desendolcóse por un regular dientro d’esquemes de producción ayenos a Asturies.
Anicios del Nuevu Cine Asturianu miniaturadeimagen|Pozu Figaredo en Turón en "Hilos" (2022) de Tito Montero Análisis cinematográficos llanten l’aniciu de les corrientes creatives reconocíes como «cine asturianu» na década de 1990. El puntu d’inflexón acordies col especialista de cine José Havel asítiase en 1994 col curtiumetraxe Xicu'l toperu de Gonzalo Tapia,Xicu'l toperu (C) (1994), consultado el 28 de octubre de 2025. destacáu pol Xuráu Mozu del Festival Internacional de Cine de Xixón. Esti curtiumetraxe, rodáu en llingua asturiana, ye consideráu por Ramón Lluis Bande’l «títulu xerminal»nel desendolcu d’una ficción cinematográfica asturiana que trescala’l teatru costumista cola puesta n’escena del cine modernista.
L’anovación de la dirección del Festival de Cine de Xixón con José Luis Cienfuegos considérase un fechu clave pal avance. La nueva dirección apostó pola promoción d’un cine mozu y arriesgáu. Ramón Lluís Bande señala que’l FICX tuvo un papel decisivu al acoyer la granible cantidá de películes producíes en condiciones de precariedá demientres la crisis entre 2011 y 2015, reflexando la vitalidá de los nuevos realizadores.
Nun planu teóricu, a la corriente acompañóla’l borrador de manifiestu fundacional de lo que sedría’l «Nuevu Cine Asturianu» asoleyáu pol críticu cinematográfico José Havel nel añu 2000. Havel reivindicaba la posibilidá de desendolcar un «cine específicamente asturianu» definiéndolu como una mirada cinematográfica que fuere quien a xenerar una cosmovisión autóctona y afitar la identidá sociocultural asturiana. La propuesta pidía frayar tópicos y formular dramáticamente los conflictos d’Asturies.
Rasgos d’identidá «Nun falamos de cine fechu n’Asturies, sinón de cine Asturianu (...) El Nuevu Cine Asturianu sedría’l que pescuda pente los caminos narrativos personales y colectivos que fluyen al rodiu del paisaxe y el compromisu» señalen los cineastes Lucía Herrera y Juan Luis Ruiz, consideraos pola crítica cinematográfica como parte del movimientu.«Canal Asturies - Canal en asturiano :: El Comercio Digital». canales.elcomercio.es . Trátase d’un cine que pon l’atención nuna universalidá mal pescanciada, pero quien a llegar a lo global dende lo particular.
Pela parte de so, la cineasta Elisa Cepedal destaca la heteroxeneidá de plantegamientos anque reconoz la coincidencia d’una concepción política del cine:
Ramón Lluis Bande señala destremaos aspectos:
- Cine de resistencia y dixitalización. Técnicamente la característica común principal ye la realización d’un cine de resistencia, que s’opón a un cine integráu que busca ser parte de la industria española y tresnacional.
Producción: La corriente caracterízase pola autoproducción y la financiación en precario, al nun tener una industria cinematográfica bien afitada detrás. La mayoría de los directores son tamién los productores de les sos películes lo que, anque asegura la llibertá creativa, xenera «daqué estilu obligáu» pola llimitación de medios.
Formatu Dixital: El desendolque d’esta cinematografía ensin dependencies foranes arranca cola dixitalización nos principios del mileniu, lo que supunxo una democratización del accesu a la tecnoloxía y aminorgó’l coste de producción. Enfoque de Xéneru: La mayoría los directores trabaya dientro de los llinguaxes de la non-ficción cinematográfica (documental, ensayu, investigación), mentanto que la ficción alcuéntrase nun planu secundariu. Esti cine avérase a lo real dende una perspectiva nidiamente suxetiva, que perpasa les categoríes zarraes ente ficción y documental clásicu.
La llingua asturiana La cuestión de la llingua asturiana ye un elementu cimeru de la identidá que’l movimientu se propón esplorar, anque’l so usu na práctica xenera discutiniu y complexidá. La non-oficialidá de la llingua asturiana xenera amás una torga económica y de financiación. En 2024 más de 30 cineastes asturianos presentaron a l’Academia de la Llingua Asturiana un manifiestu de sofitu a la oficialidá del asturianu.Martínez, Alejandra (15 de julio de 2024). «Los cineastas asturianos piden el apoyo de PP y Foro para declarar la oficialidad del asturiano». Cadena SER.
Havel nel so escritu El cine asturiano señala:
Temes centrales Les películes del Nuevu Cine Asturianu comparten esmoliciones temátiques interconectaes, centraes na realidá sociopolítica del territoriu acordies col análisis de Bande, que plantega:
Memoria ya identidá El tema principal que xune a esta corriente ye’l pescudamientu de la identidá colectiva, entendiendo Asturies como la continuidá d’un pasáu complexu ensin resolver.
Historia non pesllada: Munchos cineastes amuesen interés por volver a los traumes de l’Asturies del sieglu XX, como la Guerra Civil de 1936 y la resistencia antifascista, entendiéndolos como un tiempu históricu qu’entá nun ta peslláu.
Contrarrellatu: Esti cine asume’l papel de xenerar un contrarrellatu o una memoria alternativa, en cata d’afirmar una identidá negada dende la hexemonía del rellatu nacional. Sublevación: Tito Montero define esti trabayu como "cine como sublevación énte lo impuesto" señalando que les obres tienen que "activar el so potencial políticu" para plantegar entrugues cafiantes y xenerar conocimientu.«Tito Montero: «El cine necesario debe asumir sin tapujos su papel de contrapoder»». La Voz de Asturias. 21 de noviembre de 2019.
Cine de clas y territoriu miniaturadeimagen|"Hilos" (2022) de Tito Montero El movimientu tien una marcada posición de clas y una esmolición pola contorna física y social d’Asturies.
Memoria Obrera: Les temátiques recurrentes incluyen la historia de la clas obrera asturiana, la tradición sindical y los principales conflictos llaborales de les caberes décades (minería, siderurxa, sector naval). Mirada Crepuscular: Les películes aborden la desapaición de la vida rural, el procesu de desindustrialización y la "muerte de la conciencia de clas", lo que-y da al cine un tonu elexíacu o de cantu a un mundu que muerre. Mirada Descolonizadora: Los cineastes opónense éticamente a la idea d’Asturies como "plató" (la mirada film-commission), que consideren una "mirada colonial" que llenda l’espaciu a un cenciellu "decoráu";. El paisaxe ye entendíu como una realidácultural y una construcción social qu’implica siempre un comentariu social implícitu. Bande señala qu’intenta facer les sos películes dende una "mirada descolonizadora" p’amosar Asturies dende la perspectiva de la esmolición pero tamién como una ferramienta de futuru.«Bande construye el cine que «nunca existió» en la Asturias republicana de 1937». La Voz de Asturias. 18 de noviembre de 2024.
El pesu de los documentales
Estilísticamente, los cineastes d’esti movimientu escueyen un cine de preferencia realista . Esti enfoque vencéyalos al denomáu "Otro Cine Español" (o cine alternativu).
Les producciones del Nuevu Cine Asturianu entamen sobre too colos formatos de curtiumetraxe y documental. La venceya col contestu cultural d’Asturies ye una característica distintiva, compartiendo l’ambiente creativu de movimientos simultáneos como’l Xixón Sound na música y la narrativa n’asturianu de la mesma década.
El Festival Internacional de Cine de Xixón (FICX) miniaturadeimagen|Alicia Moncholí premiada FICX62 por "Campolivar" El Festival Internacional de Cine de Xixón (FICX) foi identificáu pola crítica cinematográfica como un catalizador clave nel surdimientu y l’afitamientu del Nuevu Cine Asturianu. Dirixíu por Alejandro Díaz Castaño de magar 2017, en 2025 la representación asturiana del festival foi de 39 títulos (10 llargumetraxes y 29 curtiumetraxes).«El FICX presenta la programación de su 63 edición – Festival Internacional de Cine de Gijón / Xixón». ficx.tv. La presencia asturiana nel festival ye parte del espinazu del festival.«Cine asturiano en el FICX: memoria, territorio y voces que construyen identidad». ElDiario.es. 19 de noviembre de 2025.