Raymond Vahan Damadian foi un médicu, investigador médicu d'Estaos Xuníos ya inventor de la primer máquina d'escaniar por resonancia magnética nuclear (NMR).
Les investigaciones de Damadian sobre'l sodiu y el potasiu nes célules vives lleváronlu a los sos primeros esperimentos con resonancia magnética nuclear (NMR), lo que lu llevó a proponer el primer escáner corporal por resonancia magéntica en 1969. Damadian descubrió que los tumores y el texíu normal pueden diferenciase in vivo por NMR pola duración de los sos tiempos de relaxación, tanto T1 (relaxación spin-malla) como T2 (relaxación spin-spin). Damadian foi'l primeru en realizar un escáner corporal completu d'un ser humanu en 1977 pa diagnosticar cáncer. Damadian inventó un aparatu y un métodu pa usar la NMR de manera segura y precisa pa escaniar el cuerpu humanu, métodu conocíu anguaño como imaxe por resonancia magnética (MRI).Inventor of the Week Archive
Damadian recibió dellos premios. En 2001, el programa del Premiu Lemelson–MIT concedió-y el gallardón de 100.000 dólares a la trayeutoria de toda la so vida como «l'home que inventó'l escáner de MRI».Lemelson–MIT Lifetime Achievement Award on Dr. Damadian as "the man who invented the MRI scanner" Collaboró con Wilson Greatbach, ún de los primeros desarrolladores del marcapasos inxertable, pa crear un marcapasos compatible con MRI. The Franklin Institute en Filadelfia reconoció'l trabayu de Damadian sobre MRI col Premiu Bower en Lideralgu Empresarial."Denied Nobel for M.R.I., He Wins Another Prize", New York Times, 23 de marzu de 2004 Tamién foi nomáu «Home del Añu» polos Knights of Vartan en 2003.Raymond V. Damadian, M.D. Named Knights of Vartan 2003 "Man of the Year" Recibió la Medaya Nacional de Teunoloxía en 1988 y foi incluyíu nel National Inventors Hall of Fame en 1989.Raymond Damadian receives the National Medal of Technology in 1988 and is inducted into the National Inventors Hall of Fame in 1989.
Referencies
Enllaces esternos
Categoría:Médicos y médiques d'Estaos Xuníos Categoría:Físicos y físiques d'Estaos Xuníos Categoría:Inventores d'Estaos Xuníos Categoría:Biofísicos y biofísiques Categoría:Persones de Nueva York