Meta Platforms, Inc. ye una empresa multinacional teunolóxica d'Estaos Xuníos con sede en Menlo Park, California.
Meta ye propietaria y opera dellos de los principales servicios y plataformes de redes sociales y comunicación, ente ellos Facebook, Instagram, Threads, Messenger y WhatsApp. Tamién xestiona una rede de publicidá pa los sos propios sitios y pa terceros; , la publicidá representaba'l 97,8% de los sos ingresos totales.
La compañía fundóse en 2004 col nome de TheFacebook, Inc., y en 2005 cambi'l so nome a Facebook, Inc.. En 2021, la empresa adoptó'l nome de Meta Platforms, Inc. pa reflexar un cambiu estratéxicu enfocáu al desarrollu del metaversu: un ecosistema dixital interconeutáu basáu na realidá virtual y la realidá aumentada.
Meta considérase una de les cinco grandes compañíes teunolóxiques d'Estaos Xuníos, xunto con Alphabet (Google), Amazon, Apple y Microsoft. En 2023, ocupó'l puestu 31 na llista Global 2000 de Forbes, que rexistra les mayores compañíes cotizaes del mundu. A lo llargo de 2022, foi la tercer empresa del mundu que más gastó n'investigación y desarrollu, con un total de 35.300 millones de dólares nesta partida.
Referencies
Enllaces esternos
Sitiu web oficial de Meta Meta Platforms – Portal d'inversores Facebook Instagram WhatsApp Threads
Categoría:Empreses fundaes en 2004 Categoría:Redes sociales Categoría:Empreses de California