Mangaia ye la islla más austral del archipiélagu de les Islles Cook. Alcuéntrase a 175 km al sureste de Rarotonga.
Con una superficie de 51,8 km², ye la segunda islla más grande dempués de Rarotonga. Considérase la islla volcánica más antigua del Pacíficu, con roques de 19 millones d'años d'antigüedá. Ta arrodiada por un aniellu de petones de coral fosilizaos, que llega a los 60 metros d'altitú, dixebrando l'interior de la mariña. L'altitú máxima de la islla ye el monte Rangimotia con 169 msnm. cookislands - la islla con una estimación de antigüedad de 18 millones d'años, Cook island web La población total en 2001 yera de 744 habitantes. La ciudá principal ye Oneroa. L'actividá económica más importante de la islla son los plantíos de vainilla y papaya.
L'antiguu nome de Mangaia yera Au'au que demuestra la gran cantidá de plantes de la especie Hibiscus tiliaceus qu'esistíen na islla . El nome antiguu foi recuperáu para nomar al aeropuertu Mangaia-Auau. El primer européu en llegar a Mangaia foi el marín inglés James Cook, en 1777.
La tradición sostien que la islla nun foi afayada por un antepasáu viaxeru; la creencia mangaiana ye que'l primer ser humanu surdió d'un furacu nel centru de la islla. Mangaia y Avaiki, la patria espiritual, son, poro, una mesma cosa. En términos menos llexendarios, créese que la islla foi poblada por navegantes de Tahití, Rarotonga y Tonga.
Referencies
Enllaces esternos
Air Rarotonga,
Categoría:Islles Cook