Les tierres árides y semiárides (n'inglés: drylands) son árees de la superficie terrestre onde la escasez d'agua ye una carauterística dominante. Esti tipu de rexones defínese pola baxa cantidá de precipitaciones en rellación cola evapotrespiración: l'agua que s'evapora del suelu y la que trespiren les plantes.
Según el Programa de les Naciones Xuníes pal Mediu Ambiente, les tierres árides inclúin zones tropicales y atemperaes con un índiz d'aridez inferior a 0,65.Millennium Ecosystem Assessment (2005). Drylands Systems. Capítulu 22 en: Ecosystems and Human Wellbeing: Current State and Trends. Island Press.
Estes tierres clasifíquense en cuatro subtipos: subhúmedes seques, semiárides, árides y hiperárides. Dellos organismos internacionales, como la Convención de les Naciones Xuníes pa Combatir la Desertificación (UNCCD), consideren les tierres hiperárides como desiertos, anque esti términu puede incluyir zones d'aridez variao. En términos xeográficos, les tierres árides y semiárides ocupen el 41,3 % de la superficie terrestre, incluyendo'l 15 % d'América Llatina, el 66 % d'África, el 40 % d'Asia y el 24 % d'Europa. La mayoría d'estes zones alcuéntrense nos países en víes de desenvolvimientu, incluyendo cuasi'l 100 % de les tierres hiperárides.
Les tierres árides son ecosistemes complexos en continua evolución, onde interactúen el clima, el suelu y la vexetación, dando llugar a propiedaes dinámiques y vulnerables. Esti tipu de rexones son especialmente sensibles a los efeutos del cambéu climáticu, lo que supón un riesgu creciente pa la so sostenibilidá ecolóxica.Rodríguez-Iturbe, I. y Porporato, A. (2004). Ecohydrology of Water-Controlled Ecosystems: Soil Moisture and Plant Dynamics. Cambridge University Press.
Referencies
Enllaces esternos
Categoría:Ecosistemes terrestres Categoría:Xeografía física Categoría:Problemes ambientales