Belén del Valle Díaz foi una fiscal asturiana. Foi la primer muyer n'aprobar les oposiciones a la carrera fiscal n'España.
Biografía Dempués de llicenciase en Derechu na Universidá d'Uviéu, foi la primer muyer n'aprobar les oposiciones pa la carrera fiscal n'España. L'accesu a esta carrera taba prohibíu pa les muyeres hasta 1966, cuando s'aprobó la Llei 96/1966, de 28 d'avientu, que-yos permitió acceder tanto a la Fiscalía como a la Xudicatura. Un vegada superaes les oposiciones, llogró'l so primer destín na carrera fiscal (1974).
A lo llargo de la so trayeutoria xurídica, exerció dellos cargos: abogada fiscal na Audiencia Provincial de Tenerife (mayu 1974), Ourense (avientu 1974) y Audiencia Territorial d'Uviéu (avientu 1976); teniente fiscal del Tribunal Superior de Les Palmes (1984); fiscal coordinadora del Tribunal Superior de Xusticia d'Asturies; teniente fiscal del Principáu d'Asturies, onde permaneció hasta la so xubilación (2005-2013).
Distinciones Recibió, ente otres, les siguientes distinciones:
Cruz distinguida de la Orde de San Raimundo de Peñafort de segunda clase Cruz distinguida de la Orde de San Raimundo de Peñafort de primer clase, concedida pol Ministeriu de Xusticia (avientu, 2005) Cruz al Méritu Policial con distintivu blancu del Cuerpu Nacional de Policía (3 d'ochobre de 2011) Fía Predilecta de Cangues d'Onís (25 de febreru de 2012)
Referencies
Enllaces esternos
Categoría:Fiscales d'Asturies Categoría:Alumnáu de la Universidá d'Uviéu Categoría:Persones de Cangues d'Onís