Lucía Galán Bertrand , más conocida pol nome del so blogue Lucía, mi pediatra, ye una pediatra, escritora y divulgadora científica asturiana, que foi reconocida en delles ocasiones como una de los meyores médicos d'España.
Trayectoria Nació en 1978 n'Uviéu. En 2003 llicencióse en medicina na Universidá d'Uviéu. En 2008 consiguió la especialidá en pediatra en Elda, trabayando mientres 15 años n'hospitales de la provincia d'Alicante.
En 2014, creó'l so blogue Lucía, mi pediatra, para dar conseyos sobro cuidos de salú na infancia y desmontar bulos. Publicó siete cuentos y siete llibros, con más de 60 ediciones en total y superando el millón de llectores. Foi collaboradora de diversos medios de comunicación ya impartió conferencies en distintes ciudaes d'España.
Fundó "Centro Creciendo" col psicólogu infantil Juanjo Saval y convirtióse na so directora. Foi nomada miembru del Conseyu Asesor d'Unicef ya ingresó na Sociedá Española de Pediatría, Sociedá Española de Pediatría Extrahospitalaria y Sociedá Española de Pediatría d'Atención Primaria.
Reconocencies En payares de 2015 ganó'l Premiu Bitácores al Meyor Blogue de Salú ya Innovación Científica. En 2017, l'Asociación d'Investigadores en eSalud AIES concedió-y el premiu #SaludSinBulos. En 2018, la Organización Médica Colexal d'España nomóla Meyor divulgadora d'España. Amás, recibió la Reconocencia a la Infancia pola Comunidá de Madrid.
En 2019, foi nomada una de les meyores influencers de salú pola revista Forbes, y en 2021, 2022 y 2023, esta publicación incluyóla na so llista de los '100 meyores médicos d'España' del añu, señalándola como una de los seis meyores pediatres xunto a Fernando Cabañas González, Héctor Boix Alonso, Concha Sánchez Pina, Jesús Argente Oliver y Juan Carlos López Gutiérrez.
En 2024, foi nomada meyor muyer entamadora del añu nos "Premios con Alma", que promueve la Clínica Palacios en reconocencia a les contribuciones más relevantes en salú femenina n'España. Esi añu, ganó'l Premiu Especial Creadores 20minutos y foi-y concedíu el Premiu Humanizar en reconocencia al so llabor divulgador, pel Centru de Humanización de la Salú San Camilo.
Referencies
Enllaces esternos
Categoría:Médicos y médiques d'Asturies Categoría:Pediatres Categoría:Escritores d'Asturies Categoría:Escritores en castellanu Categoría:Alumnáu de la Universidá d'Uviéu Categoría:Persones d'Uviéu