El Sáḥara Marroquín o Les Provincies Meridionales son los nomes con que'l gobiernu de Marruecos denomina a El Sáḥara Occidental.
Tres los alcuerdos de Madrid con España en 1975, Marruecos ocupó militarmente Saguia el Hamra, y la parte nortiza de Río de Oro, ente que Mauritania tomó'l control de la parte restante del Río de Oro sol nome de Tiris al-Gharbiyya. Gran parte de los habitantes del territoriu fuxó escontra la frontera d'Arxelia, y el Frente Polisariu proclamó la República Árabe Saḥariana Democrática y empezó una guerra de guerrilles pa consiguir la independencia del territoriu. Esto fizo que Mauritania abandonara'l territoriu en 1979. Marruecos entós dio en tomar el control total de les partes restantes de Río de Oro.
Dende 1991, gracies al alto'l fueu patrocináu por Naciones Xuníes, la mayor parte del territoriu ye alministráu anguaño per Marruecos. Pela so parte el Polisariu afirma controlar el restu, que ta casi despobláu. La llinia del altu'l fueu correspuende al denomináu muriu marroquín.
La República Árabe Saḥariana Democrática (RASD) foi reconocida por 82 países, munches d'elles árabes y ye un miembru de plenu derechu de la Xunión Africana. Sicasí la soberanía marroquina sobre'l territoriu ye reconocida explícitamente pola Lliga Árabe, con importantes reserves d'Arxelia.
Política rexonal de Marruecos 1/8/1999sofitándose en mapesPolítica rexonal de Marruecos 12/17/1998 y sofitáu por dellos otros estaos.
Alministrativamente, Marruecos estrema'l territoriu sol so control en tres unidaes alministratives o wilayas, pa les que se diseñaron banderes y escudos,Boujdour province, Morocco Esmara y L'Aaiún.Laayoune province, Morocco
Hubo más cambeos nel territoriu en 1983, cuando l'área paso a formar cuatro wilayas cola anexón de Dajla.Dakhla (Oued Eddahab-Lagouira) Province, Morocco En 1990 foi anexonáu tamién Wadi al-Dhahab (Río de Oro).
Dempués de la Marcha Verde de 1975, l'Estáu marroquín empecipió programes d'asentamientu qu'afalaron a numberosos marroquinos a reasitiase na parte d'El Sáḥara Occidental alministrada por Marruecos (que representa aprosimao'l 70% del territoriu en disputa).
En 2015, envalorábase que los colonos marroquinos constituyíen siquier dos tercios de los 500.000 habitantes. Amás d'ufiertar un derechu de torna a los refuxaos saḥarianos, el gobiernu saḥarianu nel exiliu espresó la so voluntá d'otorgar la ciudadanía saḥariana a los colonos marroquinos y a los sos descendientes nun futuru estáu independiente.
Ver tamién Organización territorial de Marruecos Río de Oro-La Güera Provincia de Río de Oro-Dajla Prefeutura d'Auserd L'Aaiún-Bojador-Saguia el Hamra Provincia de Bojador Provincia de L'Aaiún Guelmim-Esmara Provincia de Esmara Estatus políticu d'El Sáḥara Occidental República Árabe Saḥariana Democrática El Sáḥara español
Referencies
Enllaces esternos
Categoría:Política d'El Sáḥara Occidental Categoría:Territorios apostaos n'África Categoría:Provincies de Marruecos