El pabellón Javier Imbroda Ortiz ye una instalación deportiva asitiada na ciudá española de Melilla. Tien capacidá para 2.900 espectadores y ye l'escenariu onde xuega los sos alcuentros como llocal el Melilla Baloncesto de la lliga LEB Oru, el Melilla Fútbol Sala de la LNFS y el CV Melilla de la primer división de voleibol d'España.
Historia El 17 de febreru de 1995 l'alcalde Ignacio Velázquez Rivera punxo la primer piedra y foi inauguráu so la denominación Pabellón de Deportes Ciudad de Melilla. A mediaos de 2007 camudó'l so nome pol actual n'homenaxe al entrenador de baloncestu Javier Imbroda, natural de Melilla y unu de los personaxes acomuñaos al mundu del deporte más destacáu de la historia de dicha ciudá. El pabellón allugó 3 Copa del Príncipe d'Asturies de Baloncestu y 3 finales de playoff d'ascensu a Lliga ACB pol Club Melilla Baloncesto.
Referencies
Enllaces esternos
Categoría:Instalaciones deportives de Melilla Categoría:Pabellones de baloncestu d'España