ye una islla nel grupu de les islles Izu, al sureste de Honshū, Xapón, alministrada pol gobiernu Metropolitanu de la ciudá de Tokiu, tien una superficie de 55,50 km². La islla ta a 180 kilómetros al sur de Tokiu. Al 1 de xineru de 2006, la población de la islla yera de 2.884 persones. Al igual qu'otres islles nel grupu de les islles Izu, Miyake forma parte del Parque Nacional de Fuji-Hakone-Izu.gotokio.org Miyakejima, la islla de los páxaros.
La islla ye conocida pola so constante actividá volcánica, producida pol so principal volcán, el monte Oyama, tuvo erupciones delles vegaes. Por lo mesmo, esiste un constante fluxu de gas sulfúrico nel aire, sobre manera pola erupción qu'asocedió'l 14 de xunetu de 2000, lo que fixo que para setiembre d'esi añu, la islla fuera evacuada dafechu. Tres más de 4 años d'actividá volcánica, los habitantes de la islla volvieron nel 2005. Toa esa actividá volcánica fai que los habitantes de la islla tuvieren mázcares de gas tol tiempu, pola so toxicidá del gas nel aire, sicasí, les mázcares yá nun son necesaries dende va años. Les alarmes disparen si hai un aumentu dramáticu nos niveles de gases tóxicos nel aire. Les emisiones de gases volcánicos d'esti volcán mídense por aciu un sistema analizador de gases multicomponente, que detecta la desgasificación preeruptiva de magmes ascendentes, ameyorando la predicción de l'actividá volcánica.
Ver tamién Xeografía de Xapón Xeografía d'Asia
Referencies
Referencies
Islla Miyake - Miyakejima
Categoría:Islles de Xapón