L'Academia Aragonesa de la Llingua (; en castellanu y oficialmente Academia Aragonesa de la Lengua) ye una institución científica de caráuter oficial y pública, creada pola Llei 3/2013, de 9 de mayu, d'usu, proteición y promoción de les llingües y modalidaes llingüístiques propies d'AragónLei 3/2013, de 9 de mayo, d'uso, protección y promoción d'as luengas y modalidaz lingüisticas propias d'Aragón. como autoridá llingüística del aragonés y del catalán. Sustitúi a l'Academia d'a Luenga Aragonesa y a l'Academia Aragonesa d'o Catalán, creaes cola anterior llei d'usu, proteición y promoción de les llingües propies d'Aragón, academies que nun se constituyeron.
Los sos estatutos foron aprobaos pol Gobiernu d'Aragón el 10 d'abril de 2018, publicándose nel Boletín Oficial d'Aragón el 20 d'abril de 2018Decreto 56/2018, de 10 de abril, d'o Gubierno d'Aragón, por o que se apreban os Estatutos de l'Academia Aragonesa d'a Luenga..
Tien personalidá xurídica propia y exerz les sos funciones con autonomía orgánica, funcional y presupuestaria, col envís de garantizar la so oxetividá y independencia.
Estructura L'Academia ta compuesta por dos institutos: l'Institutu del Aragonés (n'aragonés, Instituto de l'Aragonés) y l'Institutu Aragonés del Catalán (en catalán, Institut Aragonès del Català), que podrán proponer al Plenu de l'Academia les normes d'usu correutu del aragonés y del catalán d'Aragón, respeutivamente.
Competencies Según la Llei 3/2013 y los sos propios estatutos, ye finalidá de l'Academia Aragonesa de la Llingua:
Establecer les normes referíes al usu correutu de les llingües y modalidaes llingüístiques propies d'Aragón, polos sos institutos; Asesorar, polos sos institutos, a los poderes públicos y instituciones sobre temes rellacionaos col usu correutu de les llingües y modalidaes llingüístiques propies y cola so promoción social; Desendolcar aquelles xeres que nel ámbitu de la so competencia-y encargue'l Gobiernu d'Aragón.
Académicos Según los sos estatutos, l'Academia Aragonesa de la Llingua podrá tener hasta un máximu de 30 académicos de númberu, y un númberu indetermináu d'académicos correspondientes y académicos d'honor. Los académicos habrán ser persones de reconocíu prestixu nel ámbitu de la filoloxía, lliteratura y llingüística, preferentemente doctores, y con preferencia de nativos, que cuenten con una llarga trayeutoria na práutica y nel fomentu de los valores llingüísticos y lliterarios propios de la comunidá aragonesa, y na que tán representaes les llingües y modalidaes llingüístiques propies d'Aragón.
Na actualidá tien 15 académicos de númberu, que son los siguientes El Gobierno nombra a los primeros miembros de la Academia Aragonesa de la Lengua: Carmen Alcover Pinós. María Luisa Arnal Purroy. José Bada Panillo. María Pilar Benítez Marco. Manuel Castán Espot. María Ángeles Ciprés Palacín. Ánchel Conte Cazcarro. Javier Giralt Latorre. Merxe Llop Alfonso. Juan Pablo Martínez Cortés. María Teresa Moret Oliver. Francho Nagore Laín. Francho Rodés Orquín. Ramón Sistac Vicén. José Solana Dueso.
Xunta de Gobiernu La primer Xunta de Gobiernu foi elixida'l 1 d'ochobre de 2021, colos siguientes miembros: La Academia Aragonesa de la Lengua celebra su primer Pleno y elige a su Junta de Gobierno en Arainfo Presidente: Javier Giralt Latorre. Vicepresidente: María Pilar Benítez Marco. Secretariu: Juan Pablo Martínez Cortés. Ayalguera: María Teresa Moret Oliver. La Xunta de Gobiernu de l'Academia complétase con dos vocales escoyíos pol Institutu del Aragonés y otros dos pol Institutu Aragonés del Catalán. El 21 de marzu de 2022 contituyéronse los plenarios de los dos institutos, qu'elixeron a los siguientes vocales La Academia Aragonesa de la Lengua constituye los institutos del aragonés y del catalán en Arainfo:
María Ángeles Ciprés Palacín Merxe Llop Alfonso Francho Rodés Orquín Ramon Sistac Vicen
Institutu del Aragonés y Institutu Aragonés del Catalán Según los Estatutos de l'Academia, ésta ta compuesta por dos institutos: l'Institutu del Aragonés y l'Institutu Aragonés del Catalán, que s'encargarán de proponer les normes del usu correutu del aragonés y del catalán d'Aragón. Tamién tienen, ente otres, les competencies d'inventariar y actualizar el léxicu, estimular el so usu, el deprendimientu y difusión de la llingua, la de collaborar na formación del profesoráu o la d'asesorar a los poderes públicos y instituciones sobre temes rellacionaos con estes dos llingües.
Los Plenarios de los institutos constituyéronse'l 21 de marzu de 2022, día en que tamién s'elixeron los cargos de les sos Comisiones Permanentes, que son los siguientes:
Comisión Permanente del Institutu del Aragonés Direutor: Ánchel Conte Cazcarro Subdireutor: Juan Pablo Martínez Cortés Secretariu-Alministrador: Francho Nagore Laín Vocal: María Pilar Benítez Marco Vocal: Manuel Castán Espot
Comisión Permanente del Institutu Aragonés del Catalán Direutor: Javier Giralt Latorre Subdireutor: Ramos Sistac Vicen Secretaria-Alministradora: María Teresa Moret Oliver Vocal: Merxe Llop Alfonso Vocal: Carmen Alcover Pinós
Véase tamién Institutu del Aragonés Institutu Aragonés del Catalán Conseyu Superior de les Llingües d'Aragón Llei de Llingües d'Aragón Academia del Aragonés
Referencies
Enllaces esternos Sitiu web oficial
Aragonés Categoría:Idioma aragonés